इन्फो नेपाल — सञ्चारको सञ्जाल

खेलकुदको मूल्यांकन नगर्दा खेलाडी पलायन, प्रदेश मन्त्री महर्जनको टिप्पणी

हेटौँडा | बागमती प्रदेशका युवा तथा खेलकुद मन्त्री मीनकृष्ण महर्जनले राज्यले खेलकुदको महत्व नबुझ्दा धेरै खेलाडी विदेश पलायन हुन बाध्य भएको बताएका छन्।

बागमती प्रदेश खेलकुद विकास परिषद्को आयोजनामा मंगलबारदेखि हेटौँडामा सुरु भएको ‘खेलकुद पत्रकारिता सम्बन्धी क्षमता अभिवृद्धि कार्यक्रम’को उद्घाटन गर्दै मन्त्री महर्जनले राज्यले खेलकुदलाई अझै पनि प्राथमिकताको सूचीमा नराखेको गुनासो गरे।

“सरकारमा बसेकाहरुले अझै पनि खेलकुदको मूल्य बुझ्न सकेका छैनन्,” उनले भने, “प्रदेश सरकारको युवा तथा खेलकुद मन्त्रालयको बजेट जम्मा ६१ करोड रुपैयाँ मात्र छ, जुन अत्यन्तै न्यून हो।” उनले उल्लेख गरेअनुसार राष्ट्रिय टोलीमा रहेका झण्डै ८० प्रतिशत खेलाडी बागमती प्रदेशबाट छन्, तर प्रदेशमा खेल पूर्वाधार र सहयोग न्यून देखिन्छ।

महर्जनका अनुसार, खेलकुदलाई बुझाउने ठाउँमा नै चुनौती छ। तथापि, उनले प्रदेश मुख्यमन्त्री भने खेलकुदप्रति सकारात्मक (‘पोजेटिभ’) रहेको उल्लेख गर्दै मुख्यमन्त्रीको पहलमा खेल गतिविधिहरू सम्भव भएको बताए।

कार्यक्रममा बोल्दै बागमती प्रदेश खेलकुद विकास परिषद्का सदस्य सचिव दीपक लामाले मुलुक संघीयतामा गएको भए पनि खेलकुद क्षेत्रमा संघीय संरचना अझै स्पष्ट नभएको बताए। “कुन तहले के हेर्ने भन्ने कुरा अस्पष्ट हुँदा समस्या आइरहेको छ,” उनले भने।

पत्रकारको क्षमता अभिवृद्धिमा जोड

बागमती प्रदेशभित्रका खेलकुद पत्रकारहरूका लागि आयोजना गरिएको यो तालिमले पत्रकारितामा विशेषज्ञता बढाउने उद्देश्य राखेको थियो। विभिन्न सेसनमा खेलकुद रिपोर्टिङ, नीतिगत समझ, र फिचर लेखन जस्ता विषय समेटिएका थिए।

कार्यक्रम अन्तर्गत सहभागी टोलीले हेटौंडाको गौरितार रंगशालाको अवलोकन भ्रमण पनि गरेको थियो। रंगशालामा भइरहेको खेलको अवलोकन गर्दै व्यावहारिक सिकाइमा जोड दिइएको थियो।

कार्यक्रम बुधबार सम्पन्न भएको हो। आयोजकहरूले यसलाई आगामी दिनमा पनि निरन्तरता दिने तयारी गरिरहेका छन्।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

दानबहादुर कार्कीको रिटमा कारण देखाऊ आदेश

काठमाडाैँ । सर्वोच्च अदालतले निवर्तमान प्रहरी महानिरीक्षक (आईजीपी) दानबहादुर कार्कीलाई पदबाट हटाउने सरकारको निर्णयविरुद्ध दायर रिटमा कारण देखाऊ आदेश जारी गरेको छ। न्यायाधीश श्रीकान…

इन्फो डेस्क