इन्फो नेपाल — सञ्चारको सञ्जाल

तीज गीत हिट भएपछि चर्चामा ‘कोशे ढुङ्गा’, भाद्र १२ देखि प्रदर्शनमा

हेटौँडा | भाद्र १२ गतेदेखि नेपालसहित करिब ४० देशमा एकसाथ प्रदर्शनमा आउने फिल्म ‘कोशे ढुङ्गा’ प्रदर्शनअघि नै व्यापक चर्चा कमाउन सफल भएको छ। महिला प्रधान कथावस्तुमा आधारित यो फिल्मलाई ‘पूर्णबहादुरको सारङ्गी’ जस्तो ब्लकबस्टर दिएको निर्देशक सरोज पौडेलले निर्देशन गरेका हुन्। यही कारण दर्शकबीच यसप्रति अपेक्षा अझ उच्च बनेको छ।

फिल्मको तीज गीत ‘नत्र भने जिन्दगी ब्यर्थ छ’ सार्वजनिक भएसँगै सामाजिक सञ्जालमा हिट बनेको छ। खेम सेन्चुरी, समीक्षा अधिकारी र दीपिका मगरको स्वरमा रहेको उक्त गीतलाई खेम सेन्चुरीले संगीत दिएका हुन् भने नेत्र अर्यालले शब्द लेखेका हुन्। यो गीत टिकटकमा मात्रै १ लाख ४० हजारभन्दा बढी भिडियोमा प्रयोग भइसकेको छ भने ११७ मिलियन पटक हेरिएको निर्देशक पौडेलले जानकारी दिएका छन्। त्यस्तै अर्को गीत ‘भंगेरा भगेरी’ ले पनि दर्शकको मन जितिरहेको छ।

फिल्ममा सुरक्षा पन्त, आर्यन सिक्देल, प्रवीण खतिवडा, सरोज खनाल, विशाल पहाडी, हिउवाला गौतम, दिनेश काफ्ले, लोकमणि सापकोटा लगायतका चर्चित कलाकारसँगै चितवनका मञ्जिल कुमारले डेब्यू गरेका छन्। निर्देशक पौडेलका अनुसार मञ्जिलले सुरक्षा पन्तसँग जोडी बाँधेर प्रभावशाली अभिनय गरेका छन्। नाटकमार्फत अभिनयमा अभ्यास गरिसकेकाले उनको अभिनयमा थप निखार आएको बताइन्छ।

स्याङ्जाको आधिखोला, त्रिवेणी र सिरुवारी क्षेत्रमा छायांकन गरिएको यो फिल्मलाई प्रेविल कँडेल र किशोर अनुरागले निर्माण गरेका हुन् भने कार्यकारी निर्माता दिनेश खड्का हुन्। फिल्ममा बाबु श्रेष्ठको छायांकन, नहकुल खड्काको सम्पादन र आशिष अविरल तथा रिदम कँडेलको संगीतले कथावस्तुलाई थप सशक्त बनाएको छ।

निर्माण टिमको विश्वास छ, भाद्र महिनामा रिलिज हुने अन्य फिल्मबीच ‘कोशे ढुङ्गा’ले बलियो टिम, आकर्षक गीत र नयाँ–पुराना कलाकारको उत्कृष्ट संयोजनका आधारमा दर्शकमाझ छुट्टै पहिचान बनाउन सफल हुनेछ।

सम्बन्धित समाचार

चितवनमा ‘पार्वती’को पत्रकार भेटघाट, भदौ १२ देखि देशभर प्रदर्शनमा आउँदै

चितवन | चितवनमा नेपाली चलचित्र ‘पार्वती’को पत्रकार भेटघाट तथा प्रचारप्रसार कार्यक्रम आयोजना गरिएको छ। निर्माण पक्षले चलचित्रको विषयवस्तु, कलाकार तथा प्रदर्शन तयारीबारे सञ्चारकर्मीह…

इन्फो नेपाल संवाददाता

भदौ १२ गतेबाट प्रदर्शनमा आउन लागेको फिल्म ‘पार्वती’को ट्रेलर सार्वजनिक

काठमाडौँ । आगामी भदौ १२ गतेबाट प्रदर्शनमा आउन लागेको फिल्म ‘पार्वती’को ट्रेलर सार्वजनिक भएको छ। निर्माण टिमले बिहिबार पत्रकार सम्मेलनमार्फत रिलिज गरेको हो। यस ट्रेलरलाई दर्शकले ओएस…

इन्फो नेपाल संवाददाता

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

अन्तर्राष्ट्रिय बजारमा ‘पार्वती’को सफलता, अमेरिका प्रदर्शन अधिकार बिक्री

काठमाडौं । आगामी भदौ १२ गतेदेखि प्रदर्शनमा आउन लागेको नेपाली फिल्म ‘पार्वती’ले प्रदर्शनअघि नै अन्तर्राष्ट्रिय बजारमा सफलता हात पारेको छ। निर्माण पक्षका अनुसार फिल्मको अमेरिका प्रदर…

इन्फो नेपाल संवाददाता