इन्फो नेपाल — सञ्चारको सञ्जाल

बकैया गाउँपालिकाको नयाँ प्रशासनिक भवन तैयार

मकवानपुर | पूर्वी मकवानपुरको बकैया गाउँपालिकामा निर्माण सम्पन्न चारतले प्रशासनिक भवन अब औपचारिक रूपमा सेवा सञ्चालनमा आउने तयारी भएको छ। बकैया–३ हात्तीसुढेमा बनेको आधुनिक सुविधा सम्पन्न भवनलाई मंसिर १० गते विशेष समारोहका बीच उद्घाटन गर्ने कार्यक्रम गाउँपालिकाले तय गरेको छ।

चार वर्षअघि सुरु गरिएको निर्माण अब पूर्ण रूपमा सकिएको गाउँपालिकाले जनाएको छ। नयाँ भवनमा २८ वटा कार्यकक्ष, दुईवटा सभाहल, सेवाग्राही कक्ष, भान्सा, स्टोर, शौचालय, पार्किङ र प्रमुख प्रशासकीय अधिकृतका लागि आवासीय सुविधा समेत व्यवस्था गरिएको छ। कार्यालय अहिले ट्रस्टको भवनबाट सेवा दिँदै आएको छ, तर उद्घाटनपछि सबै सेवा क्रमशः नयाँ भवनमा सारिने बताइएको छ।

गाउँपालिका अध्यक्ष धर्मराज लामिछानेका अनुसार स्थानीयले वर्षौँ देखिको अपेक्षा अब पूरा हुन लागेको छ। “स्थायी र व्यवस्थित भवन नहुँदा बैठकदेखि दैनिक सेवामा धेरै चुनौती थियो। अब नयाँ संरचना सञ्चालनमा आएपछि कार्यालयीय कामकाज धेरै सहज हुन्छ,” उनले भने।

भवन निर्माणका लागि २०७९ जेठ ३१ गते सम्झौता भएको थियो। संघीय सरकारले ६० प्रतिशत र गाउँपालिकाले ४० प्रतिशत बजेट योगदान गरेको परियोजना तोकिएको समयभन्दा ढिलो भए पनि गत भदौ ३१ गते पूर्ण रूपमा सम्पन्न भएको हो।

सम्झौताअनुसार प्रारम्भिक लागत अभिवृद्धिकरसहित ७ करोड ८२ लाख ५० हजार ७७० रुपैयाँ निर्धारण गरिएको थियो। निर्माण विस्तार र परिमार्जनका कारण लागत बढेर ७ करोड ९५ लाख ६७ हजार ९१७ रुपैयाँ पुगेको गाउँपालिकाले जनाएको छ।

उद्घाटनपछि बकैया गाउँपालिका पूर्ण व्यवस्थापनसहित आधुनिक प्रशासनिक भवनबाट सेवा प्रवाहमा प्रवेश गर्दैछ, जसले स्थानीय तहको कामकाज र सेवाग्राही पहुँचमा उल्लेख्य प्रभाव पार्ने अपेक्षा गरिएको छ।

सम्बन्धित समाचार

हेटौंडा–कुलेखानी सडक आज बन्द, कान्ति लोकपथ प्रयोग गर्न आग्रह

हेटाैडा । मकवानपुर प्रशासनले हेटौंडा–भैंसे–भीमफेदी–कुलेखानी सडक आज एक दिनको लागि बन्द गरेको छ । मकवानपुरको हेटौंडा–भैंसे–भीमफेदी–कुलेखानी हुँदै काठमाण्डौ आउजाउ गर्ने गाडी आज शुक्रब…

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते