इन्फो नेपाल — सञ्चारको सञ्जाल

महानगरको एक्सनपछि लाज छोप्न एमालेले गर्‍यो दरबारमार्गमा सरसफाइ

काठमाडौं | दरबारमार्गमा शुक्रबार दिउँसो आयोजित नेकपा (एमाले)को ‘जागरण सभा’ले चर्चा मात्र होइन, विवाद पनि निम्त्यायो। सभापछि फोहोर व्यवस्थापनको जिम्मेवारी पूरा नगरी सडकमा छाडिएकाले काठमाडौं महानगरपालिकाले सफाइ गर्न कर्मचारी परिचालन गर्नुपर्‍यो।

महानगरले सभाबाट भएको वातावरण प्रदूषणलाई मध्यनजर गर्दै एमालेमाथि एक लाख रुपैयाँ जरिवाना तोकेको छ। यो जरिवाना फोहोर मैला व्यवस्थापन ऐन, २०६८ र काठमाडौं महानगरपालिकाको आर्थिक ऐन, २०८१ बमोजिम गरिएको हो।

महानगरको तर्फबाट सफाइ टोलीले सडक सफा गरेपछि, एमालेको भातृ संगठन युवा संघ नेपालले पनि आफ्नो पहलमा सरसफाइ अभियान थालेको छ। तर, यसलाई महानगरले ‘लोकलाज ढाक्न गरिएको प्रयास’ भनेको छ।

युवा संघका निवर्तमान अध्यक्ष रमेश पौडेलले महानगरलाई पूर्वाग्रही व्यवहार गरेको आरोप लगाउँदै फोहोर संकलनमा सवारी साधन नदिएको गुनासो गरे। महानगरले भने नियम मिच्ने कुनै पनि पक्षविरुद्ध कार्यवाही हुने स्पष्ट पारेको छ।

एमालेको जागरण सभापछि उठेको फोहोरको यो प्रकरणले पार्टी र महानगरबीच नयाँ टकराव निम्त्याएको देखिन्छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क