इन्फो नेपाल — सञ्चारको सञ्जाल

रसुवामा भोटेकोसीले १७ जना बगाउँदा पनि प्रधानमन्त्री ओली बेखबर, त्रिशूलीबारे मात्रै सतर्कता आह्वान

रसुवा | रसुवामा मंगलबार बिहान आएको भोटेकोसीको बाढीले कम्तीमा १७ जनालाई बगाएको पुष्टि भएको छ। बेपत्ता भएकामध्ये १२ नेपाली र ५ चिनियाँ नागरिक रहेका छन् भने कम्तीमा ९ जनाको उद्धार भएको छ। तर, यति ठूलो मानवीय क्षतिको बीचमा प्रधानमन्त्री केपी शर्मा ओलीको सार्वजनिक सन्देशमा रसुवाको घटनाको उल्लेख नभएको भन्दै आलोचना भइरहेको छ।

मंगलबार बिहान करिब ३ बजेतिर गोसाइँकुण्ड गाउँपालिका–२ स्थित रसुवागढी क्षेत्रमा आएको बाढीले इलाका प्रहरी कार्यालय टिमुरेबाट उद्धारका लागि खटिएका प्रहरी सहायक निरीक्षक लालबहादुर श्रेष्ठसहित तीन जना प्रहरीलाई पनि बगाएको छ। घटनास्थलबाट केही व्यक्तिहरूको उद्धार गरेर उपचारका लागि लगिएको प्रहरीले जनाएको छ।

बाढीले गोसाइँकुण्ड–५ पासाङल्हामु राजमार्ग भासिएका कारण धुन्चेदेखि टिमुरेसम्मको सडक अवरुद्ध भएको छ। त्यस्तै, इभी चार्जिङ स्टेशनमा क्षति पुगेको र त्यहाँ रहेका सात–आठ वटा गाडी बगाएको प्रहरीको प्रारम्भिक रिपोर्टमा उल्लेख छ। रसुवा भन्सार कार्यालय र रसुवा हाइड्रोपावरको संरचनामा पनि क्षति पुगेको छ।

घटनाबारे जानकारी दिँदै जिल्ला प्रहरी प्रमुखले “तत्कालै उद्धार टोली खटाइएको र बेपत्ता भएकाको खोजी भइरहेको” बताएका छन्।

यसैबीच, प्रधानमन्त्री ओलीले मंगलबार बिहान सामाजिक सञ्जालमार्फत त्रिशूली नदीसहित केही नदीहरूमा जलसतह बढेको भन्दै सतर्क रहन सबैलाई आग्रह गरे। उनले लेखे, “त्रिशूली नदीलगायत केही नदीहरूको जलसतह बढेका समाचारहरू आएका छन्। जल तथा मौसम विज्ञान विभागको सूचनामा ध्यान दिएर आवश्यक सतर्कता अपनाऔँ।”

तर, रसुवामा मानवीय क्षति भइसकेको समाचार छ्यापछ्याप्ती भइरहँदा प्रधानमन्त्रीको सार्वजनिक सन्देशमा त्यसको स्पष्ट उल्लेख नभएको भन्दै सामाजिक सञ्जालमा असन्तुष्टि व्यक्त गरिएको छ।

सरकारका प्रवक्ताले भने प्रधानमन्त्रीलाई घटनाबारे जानकारी दिइएको र आवश्यक उद्धार तथा राहतका लागि सुरक्षा निकायलाई निर्देशन दिइसकिएको बताएका छन्।

अहिलेसम्म उद्धार र खोजी कार्य जारी रहेको र क्षतिको विस्तृत विवरण संकलन भइरहेकाे स्थानीय प्रशासनले जनाएको छ।

सम्बन्धित समाचार

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

आज बिहान काठमाण्डौ विश्वका प्रदूषित शहरहरुको सूचीमा ५औं स्थानमा

काठमाण्डौँ । काठमाण्डौ उपत्यकाको वायु प्रदूषण अस्वस्थकर स्तरमा पुगेको छ। अन्तर्राष्ट्रिय वायु प्रदूषण अनुगमन संस्था (आईक्यू एयर) ले आज बिहान सार्वजनिक गरेको तथ्याङ्कअनुसार काठमाण्ड…

इन्फो डेस्क

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

सरकार फेरिएको लामो समय बित्दासमेत बागमती प्रदेशसभाले पाएन सभामुख, बैठकसमेत अनिश्चित

मकवानपुर । बागमती प्रदेशमा नयाँ सरकार गठन भइसकेको लामो समय बितिसक्दासमेत प्रदेशसभाले अझै सभामुख पाउन सकेको छैन। मन्त्री पदको भागबण्डा मिलाउन सक्रिय दलहरूबीच सभामुख चयनको विषयमा सहम…

इन्फो डेस्क