इन्फो नेपाल — सञ्चारको सञ्जाल

हेटौँडामै एमबीबीएस पढाइ सुरु

हेटौँडा | मकवानपुरको हेटौँडा स्वास्थ्य शिक्षाको केन्द्रका रूपमा अघि बढ्दै गएको छ। चिकित्सा शिक्षा आयोगले मदन भण्डारी स्वास्थ्य विज्ञान प्रतिष्ठानलाई यसै शैक्षिक सत्रदेखि एमबीबीएस पढाइ सुरु गर्न ५० सिट स्वीकृति दिएको छ।

प्रतिष्ठानमा यसअघि नै विभिन्न स्नातक तहका कार्यक्रम सञ्चालनमा छन्। बीएस्सी नर्सिङ कार्यक्रम यस वर्ष २० सिटबाट बढाएर ३० सिट पुर्‍याइएको छ। मेडिकल ल्याब टेक्नोलोजी र पब्लिक हेल्थ कार्यक्रम २०–२० सिटमै यथावत छन्। ब्याचलर अफ फार्मेसी कार्यक्रम पनि ३० सिटकै संरचनामा निरन्तर सञ्चालन हुँदै आएको छ।

स्नातक तहसँगै, प्रतिष्ठानले यस वर्ष स्नातकोत्तर तहमा पनि नयाँ उपलब्धि हासिल गरेको छ। एमडी अध्ययन सात विषयमा सुरु हुने भएको छ, जसमा कुल ८ सिट स्वीकृत छन्। स्त्री तथा प्रसूति विभागमा २ सिट, फिजिसियन, जनरल सर्जरी, बालरोग, हाडजोर्नी तथा नशारोग, फेमिली फिजिसियन र एनेस्थेसियोलोजीमा एक–एक सिट रहनेछ।

प्रतिष्ठानका उपकुलपति डा. प्रदिप ज्ञवालीका अनुसार हेटौँडा अस्पतालमा दैनिक १ हजार ५ सयभन्दा बढी बिरामीले उपचार सेवा लिइरहेका छन्। उपचारका लागि छिमेकी प्रदेशका बिरामी पनि आउने गरेको उनले बताए।

२०७६ सालमा प्रदेशसभाबाट ऐन जारी गरी स्थापित प्रतिष्ठानमा २०७७ साउन १५ गते उपकुलपति र भदौ १५ गते अन्य पदाधिकारी नियुक्त भई औपचारिक कार्य प्रारम्भ गरिएको हो।

सम्बन्धित समाचार

हेटौंडा–कुलेखानी सडक आज बन्द, कान्ति लोकपथ प्रयोग गर्न आग्रह

हेटाैडा । मकवानपुर प्रशासनले हेटौंडा–भैंसे–भीमफेदी–कुलेखानी सडक आज एक दिनको लागि बन्द गरेको छ । मकवानपुरको हेटौंडा–भैंसे–भीमफेदी–कुलेखानी हुँदै काठमाण्डौ आउजाउ गर्ने गाडी आज शुक्रब…

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते