इन्फो नेपाल — सञ्चारको सञ्जाल

हेटौंडामा अङ्गारेश्वर धार्मिक तथा पर्यटन स्थलमा श्रीमद् भागवत सप्ताह ज्ञान महायज्ञ हुने

हेटौंडा | हेटौंडा उपमहानगरपालिका १७ स्थित अङ्गारेश्वर धार्मिक तथा पर्यटन स्थलमा आगामी ३० माघदेखि ७ फागुनसम्म श्रीमद् भागवत सप्ताह ज्ञान महायज्ञ आयोजना हुने भएको छ। यस आयोजनाको मुख्य उद्देश्य सनातन धर्म, संस्कार र संस्कृतिको जगेर्ना गर्दै नियमित सत्सङ्ग र आध्यात्मिक प्रवचन प्रस्तुत गर्नु हो।

मूल आयोजक समितिका संयोजक कृष्णदेव भण्डारीका अनुसार महायज्ञको उद्घाटन ३० माघको विहान ७ बजे अङ्गारेश्वर मन्दिर परिसरबाट हुने कलश यात्रासँगै हुनेछ। यस यात्रामा हेटौंडा १७ हटिया वडा कार्यालय चोकदेखि हेटौंडा १८ आरामपुरसम्म यात्रा हुनेछ। महायज्ञको उद्घाटन प्रमुख अतिथि संघीय सांसद दीपक बहादुर सिंह र विशिष्ट अतिथि प्रा.डा. विष्णुप्रसाद तिम्सिना र पशुपतिनाथ वेदाङ्ग विद्यापीठका प्राचार्यबाट संयुक्त रूपमा हुने कार्यक्रम रहेको छ।

महायज्ञमा पण्डित बद्रीविशाल शास्त्री र पण्डित दिनेश काफ्ले शास्त्रीले कथा वाचन गर्नेछन्। महायज्ञबाट संकलन हुने रकमले मन्दिर परिसरमा १० फिट अग्लो महादेवको ध्यानावस्थाको मूर्ति स्थापना गर्ने, सभाहलको स्थरोन्नति र मन्दिरको जग्गामा पर्खाल लगाउने कार्य गर्ने लक्ष्य राखिएको छ।

महायज्ञमा ८ वटा समितिहरू गठन गरिएका छन् जसमा विभिन्न संयोजकहरूले जिम्मेवारी सम्हाल्नेछन्। महायज्ञका दौरान प्रत्येक दिन विहान ६ बजे देखि ११ बजेसम्म पाठ पारायण र हवन, ११ बजे देखि ४:३० बजेसम्म कथा प्रवचन, र साँझ ६ बजे देखि ९ बजेसम्म महात्म्य प्रवचन र भजन किर्तन हुने कार्यक्रम तय गरिएको छ। महायज्ञ ७ फागुनमा पूर्णाहुति, तिलार्चन र प्रसाद वितरणसँगै समापन हुनेछ।

सम्बन्धित समाचार

तुलसी–दामोदरको विवाह गरी आज हरिबोधिनी एकादशी मनाइँदै

मकवानपुर ।आज कात्तिक शुक्ल एकादशी अर्थात् हरिबोधिनी एकादशी, देशभर भगवान् विष्णुको पूजा आराधना, तुलसीको विवाह र व्रत गरी मनाइँदैछ । यस दिन तुलसीलाई भगवान् दामोदर अर्थात विष्णुसँग वि…

उदाउँदो सूर्यलाई अर्घ्य दिएसँगै छठ पर्व समापन

मकवानपुर । छठ पर्वको मुख्य तथा अन्तिम दिन आज (सोमबार) बिहान उदाउँदो सूर्यलाई पूजाआराधना गरी विधिपूर्वक अर्घ्य दिएसँगै यस वर्षको छठ पर्व समापन भएको छ। हिजो (आइतबार) साँझ अस्ताउँदो स…

इन्फो डेस्क

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

हेटौँडाको राप्ती तटमा छठका श्रद्धालुको चहलपहल सुरु, २ सयभन्दा बढी सुरक्षाकर्मी परिचालन

हेटाैँडा । छठ पर्वको मुख्य दिन आज (आइतबार) साँझ अस्ताउँदो सूर्यलाई अर्घ्य दिन मकवानपुरको हेटौँडास्थित राप्ती नदी किनारमा भक्तजन तथा दर्शनार्थीको उपस्थिति सुरु भएको छ। हेटौँडा उपमहा…

इन्फो डेस्क