सुनसरी / बराहक्षेत्र नगरपालिकामा पूर्वेली साहित्यिक मञ्चद्वारा पुर्बेली महाफिल कार्यक्रम नेपाली साहित्यका युवा कवि मोतीराम भट्टको १५७ औँ जन्म जयन्तीका अवसरमा कार्यक्रम सम्पन्न भएको छ ।
शनिबार चक्रघट्टीमा रहेको सूर्य फेमली पार्टी प्यालेसमा भएको कार्यक्रममा लोकप्रिय गजलकारहरु लोकेन्द्र बन्जरा, रोमु अधिकारी, चन्द्र थपलियाले गजल बाचन गरेर सुनाएका थिय ।
कवि तथा कथाकार प्राज्ञ बिबस पोखरेलको प्रमुख आथित्यता भएको हो । सो कार्यक्रममा बराहक्षेत्र नगरपालिका वडा नम्बर ८ का वडा अध्यक्ष रोशन खड्का, वडा नम्बर ५ का वडा अध्यक्ष रोहित काफ्ले लगायत विभिन्न संघसंस्थाका प्रतिनिधि ,साहित्यकार ,सर्जक तथा गजलकारहरूको कार्यक्रममा उपस्थिति रहेको थियो ।
बराहक्षेत्र नगरपालिकालाई केन्द्रमा राखेर स्थापना भएको यस संस्थाले साहित्यकारहरुको स्मृतिमा विभिन्न साहित्यिक कार्यक्रमहरु आयोजना गर्दै आएको र पूर्बेली साहित्यिक मंचले साहित्यिक सर्जकहरुको स्मृतिमा विभिन्न कार्यक्रमहरु गर्दै आइरहेको छ ।
नेपाली साहित्यका युवाकवि मोतिराम भट्टको स्मृतिको अवसरमा साहित्यिक ब्यक्तिहरुलाई एकै ठाउँमा जोडदै पूर्बेली महाफिल कार्यक्रम आयोजना गरिएको पूर्बेली साहित्यिक मंचका अध्यक्ष सन्तोष चौलागाईंले जानकारी दिएका छन् ।
