इन्फो नेपाल — सञ्चारको सञ्जाल

आँखा पाक्ने रोग बढेपछि बिर्तामोड र भद्रपुरका विद्यालय सोमबारसम्म बन्द

सुनसरी / आँखा पाक्ने रोगका कारण बिर्तामोडका विद्यालयहरु सोमबारसम्म बन्द गर्ने निर्णय गरिएको छ । आँखा पाक्ने संक्रमणबाट धेरै विद्यार्थीहरु संक्रमित भएपछि बिर्तामोड नगर क्षेत्रका विद्यालयहरु आइतबार र सोमबार बन्द गर्ने नगरपालिकाले निर्णय गरेको हो । संक्रमण नभएका विद्यालयहरुको लागि विदा गर्नैपर्ने बाध्यता नराखिएको शिक्षा शाखाका अधिकृत केशर खवासले बताए । आँखा पाक्ने समस्या भएपछि संस्थागत विद्यालयका तर्फबाट नगर प्याव्सनले नगरपालिकामा गएर दुई दिन विद्यालय बन्द गर्न माग गरेको थियो । आँखा पाक्ने रोगका कारण बितामोडका केही विद्यालयहरुले आजदेखि नै पठनपाठन बन्द गरेका छन् । त्यस्तै, भद्रपुर नगर क्षेत्रका सबै संस्थागत विद्यालय आजदेखि बन्द गरिएको छ । आँखा पाक्ने रोगको प्रकोप फैलिएसँगै नगर क्षेत्रमा सबै संस्थागत विद्यालय बन्द गरिएको नगर शिक्षा शाखाले जनाएको छ । विद्यालयका प्रअहरु बिहीबार नगरपालिकासँग बैठक बसी छलफलमा साउन १९ देखि साउन २२ गतेसम्म विद्यालय बन्द गर्ने निर्णय भएको जनाइएको छ । सामुदायिक विद्यालयहरू बर्खे बिदा भई बुधबारदेखि मात्र सञ्चालनमा आएका हुनाले विद्यार्थीको अवस्थाबारे जानकारी हुन बाँकी रहेकोले सामुदायिक विद्यालय बन्द गर्ने निर्णय नभएको नगर शिक्षा शाखा राजकुमार ओडारीले जानकारी दिए ।

सम्बन्धित समाचार

जङ्गली हात्तीको त्रासका कारण झापाका किसान रातभर जाग्राम

मकवानपुर । झापाको उत्तरी क्षेत्रमा जङ्गली हात्तीको अत्यधिक त्रासका कारण किसानहरू रातभर जाग्राम बस्न बाध्य भएका छन् । भारततर्फबाट हुल बाँधेर आउने हात्तीले पाकेको अन्नबाली नष्ट गर्नु…

बागमती प्रदेशको उत्कृष्ट माध्यमिक विद्यालयका रूपमा हेटौँडाको जनप्रिय मावि सम्मानित

हेटौँडा । मकवानपुरको हेटौँडा उपमहानगरपालिका–१६ स्थित जनप्रिय माध्यमिक विद्यालय बागमती प्रदेशको उत्कृष्ट माध्यमिक विद्यालयका रूपमा सम्मानित भएको छ। प्रधानाध्यापक संघ नेपालले आयोजना…

किताबसँगै जीवनको सीप सिक्दै विद्यार्थी

हेटौँडा । सामान्यतया घरमा आमाबुबाले छोराछोरीलाई नयाँ कुरा सिकाउँछन्। तर हेटौँडा उपमहानगरपालिका–१८ हर्नामाडीकी सपना ढुङ्गानाको घरमा केही दिनअघि फरक अनुभव भयो। कक्षा ४ मा अध्ययनरत छो…

बसन्त भण्डारी