इन्फो नेपाल — सञ्चारको सञ्जाल

हेटौँडामा कैँची प्रहार गर्ने लामा पक्राउ

हेटौँडा | हेटौँडा–१० स्थित एक रेष्टुरेन्टमा बुधबार साँझ भएको विवादमा एक युवक गम्भीर घाइते भएका छन्। हेटौँडा–२, संगमचोकका २८ वर्षीय जेन खड्कीलाई सोही स्थानका २७ वर्षीय उर्गेन लामाले कैँची प्रहार गरी घाइते बनाएको जिल्ला प्रहरी कार्यालय मकवानपुरले जनाएको छ।

घटना बुधबार साँझ करिब ८:१५ बजे जिरो किलोमिटर नजिकैको रेष्टुरेन्टमा भएको हो। प्रारम्भिक अनुसन्धान अनुसार, पुरानो रिसइबीकै कारण उर्गेनले जेनमाथि आक्रमण गरेका हुन्। प्रहरीले दिएको जानकारीअनुसार, उनीहरूबीच यसअघि पनि पटक–पटक झगडा हुने गरेको बुझिएको छ।

प्रहरीका अनुसार, उर्गेनलाई बिहीबार बिहान ११ बजे उनका परिवारको सहयोगमा पक्राउ गरिएको हो। घाइते खड्कीलाई प्रारम्भिक उपचारपछि थप उपचारका लागि चितवन मेडिकल कलेज, भरतपुर पठाइएको छ।

जिल्ला प्रहरी कार्यालय मकवानपुरका प्रवक्ता, प्रहरी नायब उपरीक्षक श्यामु अर्यालले खड्कीको शल्यक्रिया भई हाल अवस्था खतरामुक्त रहेको जानकारी दिए । साथै, अदालतबाट ५ दिनको म्याद थप गरी उर्गेनविरुद्ध ज्यान सम्बन्धी मुद्दामा अनुसन्धान अघि बढाइएको पनि उनले बताए ।

सम्बन्धित समाचार

हेटौंडा–कुलेखानी सडक आज बन्द, कान्ति लोकपथ प्रयोग गर्न आग्रह

हेटाैडा । मकवानपुर प्रशासनले हेटौंडा–भैंसे–भीमफेदी–कुलेखानी सडक आज एक दिनको लागि बन्द गरेको छ । मकवानपुरको हेटौंडा–भैंसे–भीमफेदी–कुलेखानी हुँदै काठमाण्डौ आउजाउ गर्ने गाडी आज शुक्रब…

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते