काठमाडाैँ । आज काठमाडौँ उपत्यकासहित देशका धेरैजसो स्थानको मौसम सफा रहेको छ। मौसम पूर्वानुमान महाशाखाका अनुसार हाल मधेश प्रदेश तथा कोशी र गण्डकी प्रदेशका हिमाली भूभागमा आंशिक बादल लागेको छ भने बाँकी क्षेत्रको मौसम मुख्यतया सफा छ।
महाशाखाका अनुसार आज दिउँसो कोशी प्रदेशको तराई क्षेत्रका एक–दुई स्थानमा हल्का वर्षाको सम्भावना रहेको छ।
यस्तै, आज राति कोशी, गण्डकी र सुदूरपश्चिम प्रदेशका उच्च हिमाली भूभागका एक–दुई स्थानमा हल्का वर्षा र हिमपात हुन सक्ने महाशाखाले जनाएको छ।
पछिल्ला केही दिनयता तराई क्षेत्र, उपत्यका तथा खोँचहरूमा बिहानको समयमा हुस्सु र कुहिरो लाग्ने क्रम जारी छ। आज बिहान पनि तराई तथा उपत्यकाका केही स्थानमा हुस्सु र कुहिरो लागेको छ।