सुनसरी / मोरङको लेटाङबाट कानेपोखरी तिर आउँदै गरेको एउटा मोटरसाइकल दुर्घटना हुँदा एक जनाको मृत्यु भएको छ ।
हिजो बिहीबार दुर्घटनामा मोटरसाइकल चालक मोरङको सुनवर्षी नगरपालिका- १ केचनाका ३३ वर्षीय रोशन श्रेष्ठको मृत्यु भएको गौतमले बताए । चालक श्रेष्ठको घटनास्थलमै मृत्यु भएको हो ।
मोटरसाइकल तीव्र गतिमा रहेको कारण आफैँ अनियन्त्रित भएर दुर्घटनामा परेको इलाका प्रहरी कार्यालय पथरीका डिएसपी वेदप्रसाद गौतमले जानकारी दिए । उनका अनुसार प्रदेश–१–०२–०४२ प २७६९ नम्बरको मोटरसाइकल दिउँसो २ः३० बजेतिर दुर्घटनामा परेको हो ।
शव पोस्टमार्टमका लागि उर्लाबारीको मङ्गलबारे अस्पताल लगेर घटनाको विषयमा थप अनुसन्धान थालिएको छ ।
