हेटौँडा । हेटौँडालाई काठमाडौँसँग जोड्ने सबैभन्दा छोटो दूरीको मार्ग चखेल–मातातीर्थ सडक आगामी १६ दिनका लागि बन्द गरिने भएको छ।
मकवानपुरको इन्द्रसरोवर गाउँपालिका वडा नम्बर ५ का वडाध्यक्ष दुतराज तितुङका अनुसार महालक्ष्मी–दोभान–घट्टेखोला–चखेल–मातातीर्थ सडकको मकैबारी–मातातीर्थ खण्डमा सडक निर्माण कार्य भइरहेकाले चैत्र २३ गतेसम्म उक्त सडक बन्द गरिएको छ।
- Advertisement -
वडाध्यक्ष तितुङले बेस हाल्ने लगायतका सडक निर्माण कार्य भइरहेकाले उक्त अवधिभर सबै सवारी साधनको आवतजावत पूर्णरुपमा बन्द गरिएको र वैकल्पिक सडक प्रयोग गर्न आग्रह गरेका छन् ।
उक्त मार्गको मकवानपुर र काठमाडौँ दुवैतर्फ सडक स्तरोन्नतिको काम भइरहेको छ।
