काठमाडौं | नेपाली बजारमा सुनको मूल्यले ऐतिहासिक रेकर्ड कायम गरेको छ। नेपाल सुन-चाँदी व्यवसायी महासंघका अनुसार बिहीबार एक तोला सुनको मूल्य १ लाख ८० हजार ३०० रुपैयाँ पुगेको छ, जुन हालसम्मकै उच्च हो।
यसअघि बुधबार सुनको मूल्य १ लाख ७९ हजार १०० रुपैयाँ कायम भएको थियो।
महासंघका अनुसार सुन महँगिए पनि चाँदीको मूल्य घटेको छ। बुधबार तोला २ हजार २० रुपैयाँ रहेको चाँदी आज घटेर १ हजार ९९५ रुपैयाँ मा कारोबार भइरहेको छ।
विशेषज्ञहरूका अनुसार अन्तर्राष्ट्रिय बजारको उतारचढाव र माग-आपूर्तिको असरले नेपाली बजारमा सुनको मूल्य निरन्तर उकालो लागेको हो।
