सुनसरी / इटहरीको मुख्य चोकमा रहेको सेन्टर प्लाजा अगाडी आज दिउँसो युवाहरू बीच खुकुरी हानाहान भएको हो ।
आज दिउँसो साढे ४ बजे तिर सेन्टर प्लाजा अघाडी युवाहरूको समुहबिच खुकुरी हानाहान हुदा दुईजना युवा घाइते भएका छन् भने दुइजना लाइ प्रहरीले नियन्त्रणमा लिएर अनुशन्धान सुरू गरेको छ । खुकुरी हानाहान गर्ने दुइ युवालाई प्रहरीले प्रकाउ गरेको छ भने केही युवाहरु फरार रहेका छन ।
फरार रहेका युवाहरुलाई प्रहरी टोलीले खोजी गरीरहेको छ । घाइते मध्ये एकको टाउकोमा चोट लागेको र उनको विराटनगरस्थित बिराट टिचिङ अस्पतालमा उपचार भइरहेको इलाका प्रहरी कार्यालय इटहरीले जनाएको छ ।
स्थानीय युवाहरू चिया खान भेला भएको समयमा आपसमा विवाद हुँदा खुकुरी हानाहान भएको थियोे । ´फेसबुकमा स्टाटस लेखेको विषयलाई लिएर घटना भएको प्रारम्भिक अनुसन्धानबाट खुलेको इटहरी प्रहरीले जनाएको छ ।
पक्राउ परेका तथा घाइतेको तत्काल नाम, थर, वतन गोप्य राखेर अनुसन्धान तथा कारबाहीको प्रक्रिया अगाडि बढाइएको छ ।
