काठमाडौं – रबि लामिछाने नेतृत्वको राष्ट्रिय स्वतन्त्र पार्टीले निःशुल्क स्वास्थ्य परामर्श सेवा दिने भएको छ ।
चाडपर्वको समयमा पायक पर्ने स्थानमा स्वास्थ्य संस्थाहरु नियमित नरहेका हुन सक्ने भन्दै १० दिनसम्म स्वास्थ्यकर्मीहरुबाट आवश्यक परामर्श र सहयोग दिइने जनाईएको छ ।
राष्ट्रिय स्वतन्त्र पार्टीले आफ्नो आधिकारिक फेसबुक पेज मार्फत एक सूचना जारी गर्दै १० दिनसम्म नियमित स्वास्थ्यकर्मीबाट आवश्यक परामर्श र सहयोग उपलब्ध गराउने जनाएको हो ।
खासगरी डेंगु जस्तो लागेमा वा भएमा के गर्ने भनेर आवश्यक परामर्श र सहयोग उपलब्ध गराउने भनिएको छ ।
कसरी लिने परामर्श ? –
परामर्श लिन ९७७-०१-५९७०१४४ नम्बर उपलब्ध गराईएको छ ।
