हेटौँडा | मकवानपुरका प्रहरी प्रमुख प्रहरी उपरीक्षक (एसपी) विश्वराज खड्काको सरुवा भएको छ। प्रहरी प्रधान कार्यालयले भदौ ३१ गते जारी गरेको सूचनामार्फत खड्कासहित ४८ जना एसपीलाई एकैपटक सरुवा गरेको हो।
गत वर्ष असोजमा मकवानपुर प्रहरी प्रमुख बनेका खड्काको स्थानमा अब एसपी सुवास चन्द्र बोहरा आउँदै छन्।
यससँगै मकवानपुरका प्रहरी नायव उपरीक्षक (डीएसपी) श्यामु अर्यालको पनि सरुवा भएको छ। प्रहरी प्रधान कार्यालयमा गएका अर्यालको स्थानमा पुष्कर बोगटी आउने भएका छन्।
