- दिपेन्द्र लुईटेल, भोजपुर
भोजपुर बाट बासिखोरा तर्फ जाँदै गरेको ट्याक्टर रामप्रसाद राई गाउँपालिकाको कावा खोलामा मंगलबार राती ट्याक्टर दुर्घटना हुदा एक जनाको मृत्यु भएको छ ।
इट्टा लिएर जाँदै गरेको प्रदेश १-०२-००३ त २२४९ नम्बरको ट्याक्टर दुर्घटना हुदा ट्याक्टरमा सवार रामप्रसाद राई गाउपालिका वडा नम्बर ७ का २० बर्षिय जेबि राईको मृत्यु भएको प्रहरीले जनाएको छ ।
दुर्घटनामा परेको ट्याक्टर सडक बाट अन्दाजी २ सय मिटर तल झरेको थियो । घाइते भएका राईको उपचारका क्रममा बुधबार बिहान मृत्यु भएको प्रहरीले जनाएको छ । दुर्घटना पछि फरार भएका सवारी चालकको खोजी भईरहेको छ ।
