हेटौँडा | मकवानपुरको बकैया गाउँपालिका-३ हातिसुडेमा रहेको बुद्ध माध्यमिक विद्यालयका प्रधानाध्यापक प्रेम बहादुर बोम्जनमाथि गोली प्रहार भएको छ।
बागमती गाउँपालिका-१ निवासी बोम्जन मकवानपुरको बागमतीबाट प्रदेश २-००३-००६ प ८४५४ नम्बरको मोटरसाइकलमा सिन्धुलीतर्फ जाँदै गर्दा सिन्धुलीको हरिहरपुरगढी-६ मा उनीमाथि आक्रमण भएको हो। सिन्धुली प्रहरीका प्रवक्ता प्रहरी नायब उपरीक्षक (डीएसपी) अनिल कुमार खड्काका अनुसार तीन जनाको समूहमा आएका व्यक्तिहरूले बोम्जनमाथि मोटरसाइकल सवार अवस्थामा गोली चलाएका थिए।
बोम्जनका भाइ भने सुरक्षित रहेको जनाइएको छ। प्रारम्भिक उपचार सर्लाहीमा गरिसकेपछि थप उपचारका लागि उनलाई वीरगंज लगिएको छ। सिन्धुली प्रहरीले आक्रमणकारीहरूको खोजी गर्न विशेष टोली परिचालन गरेको जानकारी दिएको छ।
