हेटौँडा | सडक डिभिजन कार्यालय हेटौंडाले आगामी वर्षायामभरि सडक खन्न पूर्णरूपमा रोक लगाएको छ। कार्यालयले सूचना जारी गर्दै असार ३ गतेदेखि भदौ मसान्तसम्म कुनै पनि प्रयोजनका लागि सडक खन्न स्वीकृति नदिइने जनाएको हो।
ढल, धारा, बिजुली, टेलिफोन जस्ता कार्यका लागि वर्षायाममा सडक खन्दा तत्काल मर्मत सम्भव नहुने र सडक झनै बिग्रने भएकाले यस्तो निर्णय गरिएको कार्यालयले स्पष्ट पारेको छ।
सूचनामा अवज्ञा गरी सडक खनेको पाइएमा सडक ऐन २०३१ अनुसार कानुनी कारबाही गरिने चेतावनी पनि दिइएको छ।
