सुनसरी / मोरङको बूढीगंगा गाउँपालिका- २ मा करेन्ट लागेर एक युवकको मृत्यु भएको छ ।
मृत्यु हुनेमा विराटनगर- ६ का ३० वर्षीय राम मण्डल रहेका छन् । घर निर्माणको लागि बाँस काट्ने क्रममा बाँसले विद्युतको हाईटेन्सन तारमा छुन पुग्दा उनलाई करेन्ट लागेको थियो ।
करेन्ट लागेर गम्भीर घाइते भएका मण्डलको विराट मेडिकल कलेजमा उपचारको क्रममा मृत्यु भएको जिल्ला प्रहरी कार्यालय मोरङले जनाएको छ । घटना विषयमा थप अनुसन्धान भइरहेको प्रहरीले जनाएको छ ।
