ज्योतिष शास्त्रको मान्यता अनुसार ग्रह बलियो पार्न कुण्डली र राशि अनुसार रत्न–धातु धारण गर्नु लाभदायक हुन्छ । धर्म अनुसार पनि रुद्राक्ष, तुलसीको माला धारण गर्नु लाभदायक हुने विश्वास छ ।
यस्तै एक अर्को माला हो, वैजयन्ती माला । भगवान् विष्णु र कृष्णको प्रिय वैजन्यती माला धारण गरे भगवानको विशेष कृपा प्राप्त हुने धार्मिक विश्वास छ । यस मालालाई लक्ष्मीको कारक मानिन्छ । यो धारण गर्दा जातकको आर्थिक स्थितिमा ठुलो परिवर्तन आउने धार्मिक विश्वास छ । अरु के-के छन् वैजन्यती माला धारण गर्दाका लाभ ?
सोमवार वा मंगलवारका दिन विधि–विधानपूर्वक वैजयन्ती माला धारण गरे जीवनका सबै नकारात्मकता नाश भएर जाने र हरेक काममा सफलता प्राप्त हुने धार्मिक विश्वास छ ।वैजयन्ती माला धारण गर्दा आर्थिक अभाव टरेर जाने र माता लक्ष्मीको कृपा भई आर्थिक स्थिति मजबुत हुने धार्मिक विश्वास छ ।
वैजयन्ती माला धारण गर्दा मन शान्त हुने र रिस नियन्त्रण हुने विश्वास रहेको छ । यो माला धारण गर्ने व्यक्ति सामाजिक जीवनमा सक्रिय रहने र मान–सम्मानमा प्रगति हुने विश्वास रहेको छ । कामकाजी महिलाले यसको धारण गरेमा अत्यन्त लाभ पाउने धार्मिक विश्वास छ ।
विवाहमा अड्चन आएकाहरूले बिहीबार वा शुक्रबारका दिन विधि–विधानपूर्वक वैजयन्ती माला धारण गर्दा केही दिनमै विवाह हुने विश्वास गरिन्छ ।कला, लेखन वा अन्य रचनात्मक काममा संलग्नहरुले यो माला धारण गरे नयाँ नयाँ विचार आउने धार्मिक विश्वास छ ।
