काठमाडौं: जताततै चुनाबी माहोल भएपनि देशभर काठमाडौं माहानगर र भरतपुर माहानगर निकै चर्चामा छ ।
भरतपुर महानगरपालिकाको मेयर पदकी उमेदवार रेनु दाहालले २२६७ मतको अग्रता बनाएकी छन् । भरतपुरमा हालसम्म ३२ हजार २९३ मत गणना सम्पन्न हुँदा रेनुले ११ हजारले ९६६ मत ल्याएकी छन् ।
एमाले उमेदवार विजय सुवेदीले ९ हजार ६९९ मत पाएका छन् । स्वतन्त्र उमेदवार जगन्नाथ पौडेलले पाँच हजार २३५ मत प्राप्त गरेका छन् । उपमेयरमा कांग्रेसका चित्रसेन अधिकारीले १४ हजार १६६ मत पाएका छन् भने राप्रपाकी हिमला गुरुङले ७ हजार ८७० मत पाएकी छन् ।
काठमाडौंको मेयरमा बालेनले पाए १८,३८७ मत
काठमाडौं । काठमाडौं महानगरपालिका मेयरका स्वतन्त्र उमेदवार बालेन शाहले १८,३८७ मत पाएका छन् । उनका प्रतिस्पर्धी नेकपा (एमाले)का केशव स्थापितले ९,५५२ मत पाउँदा कांग्रेसकी सिर्जना सिंहले ८६९८ मत पाएकी छिन् ।
पछिल्लो अपडेट अनुसार काठमाडौं महानगरमा मत बदर को संख्या १२ हजार पुगेको छ ।
