सुनसरी / सुनसरी जिल्लाको धरान उपमहानगरपालिकाको मेयरमा स्वतन्त्र उम्मेदवार हर्क साम्पाङले अग्रता बढाउँदै लगेका छन् ।
जेठ ६ गते बेलुका ८ बजेको जानकारी अनुसार हालसम्म ४०,७९७ मतगणना हुँदा मेयरमा स्वतन्त्र उम्मेदवार हर्क साम्पाङले १२ हजार ५३४ मत ल्याएका छन् । गठबन्धनको तर्फबाट नेपाली कांग्रेसका उम्मेदवार किशोर राईले
११ हजार ८१ मत प्राप्त गरेका छन् भने नेकपा एमालेकी मञ्जु भण्डारीले ९,०१० मत प्राप्त गरिन् ।
त्यस्तै, रास्ट्रीय प्राजातन्त्र पार्टीका मेयर उम्मेदवार नरेशकुमार शाक्यले ६७ मत प्राप्त गरेका छन् । उपमेयरमा भने गठबन्धनको तर्फबाट माओबादी केन्द्रका आइन्द्रविक्रम बेघाले अग्रता लिएका छन् । बेघाले १२,८०२ मत प्राप्त गरेका छन् भने नेकपा एमालेका पदम लिम्बूले १२,१२८ मत प्राप्त गरेका छन् ।
१, २, ३, ४, ५, ६, ७, ८, ९, १०, १२, १४, १८ र १९ नम्बर वडाको मतपरिणाम घोषणा भइसकेको छ भने वडा नम्बर ११,१३, १५ र वडाको मतगणना जारी छ । १६ र १७ नम्बर वडाको मतगणना हुन बाँकी छ । २० नम्बर वडाको भने मतगणनामा विवाद पछि मतगणना नतिजा घोषणा गर्न बाँकी रहेको छ।
