मकवानपुर । मकवानपुरको हेटौडामा बसले मोटरसाइकललाई ठक्कर दिदाँ एकको मृत्यु भएको छ ।
हेटौडाको राटोमाटे स्थित पुर्व पश्चिम सडकखण्डमा पथलैयाबाट भरतपुर तर्फ आउदै गरेको ना ४ ख ९५२० नम्बरको बसले सोही दिशा तर्फ आउदै गरेको ना ५३ प ८५२७ नम्बरको मोटराइकललाई ठक्कर दिई दुर्घटना हुँदा मोटरसाईकलमा सवार एक जनाको मृत्यु भएको छ ।
बसले ठक्कर दिँदा मोटरसाइकल पछाडी सवार जितपुर सिमरा उपमहानगरपालिका १२ बस्ने ३२ वर्षकी निशा कुमारीको मृत्यू भएको छ ।
त्यस्तै मोटरसाईल चालक रोशन कुमार राय भने सामान्य घाईते भएको जिल्ला प्रहरी कार्यालय मकवानपुरले जनाएको छ । ४३ वर्षका रोशन कुमार रायको बाँया खुट्टामा चोट लागेको छ ।
बस र चालक प्रहरीको नियन्त्रणमा रहेको र घाईतेको हेटौडा अस्पतालमा उपचार भइरहेको प्रहरीले जनाएको छ ।
