मकवानपुर: मकवानपुर जिल्लाको राक्सिराङ गाउँपालिकाले ख्रिष्टमसमा ३ दिन बिदा दिने निर्णय गरेको छ ।
इसाई धर्मावलम्वीहरुको धेरै बसोबास रहेको भएकाले पालिकाले तीन दिन विदा दिने निर्णय गरेको जनाएको छ ।
गाउँपालिकाले बिहिबार एक सूचना जारी गर्दै पुस ८, ९ र १० गते पालिकाका सार्वजनिक कार्यालय, सरकारी कार्यालय, शिक्षण संस्था एवम् बैङ्क तथा वित्तीय संस्थाहरु बन्द हुने जनाएको छ ।
ख्रिष्टमसले बहुभाषिक, बहुधार्मिक, बहुसाँस्कृतिक, जातीय विविधतायुक्त गाउँपालिकामा बसोबास गर्नेहरुमा आपसी सद्भाव, सामाजिक एकता र भातृत्व कायम गर्ने गाउँपालिकाको अपेक्षा छ ।
