हेटौँडा । बागमती प्रदेश सरकारले पेरिस पारा ओलम्पिकमा पदक दिलाएकी पलेसा गोवर्द्धनलाई १० लाख रुपैयाँसहित सम्मानित गरेको छ । बिहीबार मुख्यमन्त्री तथा मन्त्रिपरिषद् कार्यालयमा संविधान दिवसको अवसरमा आयोजित एक समारोहमा पलेसालाई नगद पुरस्कार प्रदान गरिएको हो ।
प्रदेश सरकारले पलेसालाई हेटौँडामा बजार परिक्रमा सहित कांस्य पदक विजेता पलेसालाई सम्मानित गरिएको हो । पलेसाका प्रशिक्षक कविराज नेगीलाई २ लाख र नेपाल तेक्वान्दो संघ बागमती प्रदेश समितिलाई १ लाख रुपैयाँ प्रदान गरिएको थियो ।
त्यस्तै १९ औँ एसियाली खेलकुदमा करातेमा नेपाललाई ऐतिहासिक रजत पदक दिलाएकी एरिका गुरुङलाई ५ लाखसहित सम्मानित गरेको हो । एरिकाले एसियाडमा महिला ६८ केजी तौल समूहमा ऐतिहासिक रजत जितेकी थिइन् ।
प्रदेश सरकारले एरिकाको प्रशिक्षक कुशल श्रेष्ठलाई १ लाख र नेपाल कराते महासङ्घ बागमती प्रदेश समितिलाई १ लाख रुपैयाँ प्रदान गरेको हो ।
