हेटौंडा | हिन्दू महिलाहरूको पवित्र पर्व छठ, अस्ताउँदो सूर्यलाई अर्घ्य दिएर बिहीबार साँझ हेटौंडामा उल्लासपूर्वक सम्पन्न भएको छ। कात्तिक शुक्ल चतुर्थीदेखि सप्तमीसम्म मनाइने सूर्यदेवको आराधना, उपासना र पूजाको यस पर्वमा राप्ती तटीय क्षेत्रमा व्रतालु तथा श्रद्धालुहरूको बाक्लो उपस्थिति देखिएको थियो।
बागमती प्रदेशको राजधानी हेटौंडामा श्रद्धालुहरूले छठी माताको पूजा गर्दै अस्ताउँदो सूर्यलाई अर्घ्य चढाए। यो धार्मिक अवसरमा श्रद्धालुहरूले परिवारको सुख, समृद्धि र सन्तानको कल्याणका लागि व्रत बसेका थिए। शुक्रबार बिहान उदाउँदो सूर्यलाई अर्घ्य दिई छठ पर्वको समापन गरिनेछ।
मकवानपुरवासीको उत्साहजनक सहभागितासँगै हेटौंडाको राप्ती किनारमा यस वर्षको छठ पर्व विशेष र भव्य रूपमा सम्पन्न भएको छ।
