सुनसरी / प्रदेश १ मन्त्रिपरिषद् बैठकले प्रदेश योजना आयोगको उपाध्यक्षमा डा. पूर्ण लक्समलाई नियुक्त गरेको छ । लक्सम शेरधन राई नेतृत्वको सरकारमा आयोगको सदस्य थिए ।
सरकारले आयोगको सदस्यमा डा. ज्ञानेन्द्रबहादुर कार्की, नारायण कोइराला, प्रकाश राई र अञ्जु खड्कालाई नियुक्त गरेको छ । बैठकले प्रदेश १ खेलकुद बोर्डका सदस्य सचिव पर्शुराम बस्नेत (कृष्ण)लाई पदमुक्त गरेको छ ।
सरकारले स्पष्टीकरण सोधेको दुई महिनापछि उनलाई पदमुक्त गरेको हो । मन्त्री घिमिरेले सदस्य सचिव बस्नेत र उपाध्यक्ष बाबा मेन्याङ्बोलाई पनि जिम्मेबारीबाट हटाएको जानकारी दिए ।
बस्नेत असोज २४ गते सदस्य सचिवमा नियुक्त भएका थिए । बैठकले प्रदेश १ प्रशिक्षण केन्द्रको कार्यकारी निर्देशकमा विष्णुकुमार कार्कीलाई नियुक्त गरेको मन्त्री घिमिरेले जानकारी दिए । हिजो सोमबार बसेको बैठकले उपाध्यक्षमा नियुक्त गरेको प्रदेश १ का यातायात तथा सञ्चार मन्त्री उपेन्द्र घिमिरेले जानकारी दिए ।
