सुनसरी / इटहरीको मुख्य चोकमा रहेको क्लासिक टेक अपिलमा आइतबार राति आगलागी हुँदा एक करोड बराबरको क्षति भएको छ ।
इलाका प्रहरी कार्यालय इटहरीका अनुसार आइतबार राति विराटनगर लाइनमा रहेको क्लासिक टेक इन्टरनेटको कार्यालय रहेको भवन र निभ सेक्युरिटिज र सुन पसलहरु समेत आगलागी भएको हो । उक्त भवनको बाहिरी भाग पूर्ण रुपमा जलेको र भित्री भागमा आगो फैलन पाएको थिएन् ।
भवनमा भएका कार्यालय र भवनको बाहिरी भाग जलेको आधारमा एक करोड बराबर क्षति भएको प्रारम्भिक अनुसन्धानबाट खुलेको हो । विद्युत सर्ट भएर आगलागी भएको उक्त भवनमा यस अघि पनि पटक पटक आगलागी भएको थियोे ।
