सुनसरी / झापाको मेचीनगरमा पुलबाट खसेर बुद्धशान्ति गाउँपालिका- ५ का ४५ वर्षीय होमबहादुर पोखरेलको मृत्यु भएको छ ।
दोकानडाँडाबाट पूर्व मेचीनगर- ३ र ५ को सिमानामा रहेको घैलाडुब्बा पुलबाट झरेर साइकलयात्री पोखरेलको हिजो शनिबार राति मृत्यु भएको प्रहरी कार्यालय मेचीनगरले जनाएको छ ।
शनिबार राति स्थानीय मेचीनगर ३ र ५ को सिमानामा रहेको घैलाडुब्बा पुलबाट झरेर साइकलयात्री पोखरेलको घटनास्थलमा नै मृत्यु भएको प्रहरीको प्रारम्भिक अनुसन्धानबाट खुलेको छ ।
उनी साइकलमा सवार थिए । उनी साइकलसँगै पुलमुनि झरेको अनुसन्धानबाट खुलेको छ । पुलमुनि पोखरेल घोप्टो परेको अवस्थामा फेला परेका थिए । घटनाबारे थप अनुसन्धान भइरहेको प्रहरीले जनाएको छ ।
