सुनसरी / मोरङको कटहरी गाउँपालिका- ६ हुरहुरीयामा मोटरसाइकल दुर्घटना हुँदा चालकको मृत्यु भएको छ ।
पश्चिमबाट पूर्वतर्फ जाँदै गरेको प्रदेश १-०४–००१ प ८८८९ नम्बरको मोटरसाइकल शनिबार राति ९ बजेतिर आफैं अनियन्त्रित भएर दुर्घटना हुँदा मोरङको धनपालथान गाउँपालिका- ५ का ३५ वर्षीय सुरजकुमार सरदारको मृत्यु भएको हो ।
इलाका प्रहरी कार्यलय कटहरीका अनुसार दुर्घटनामा गम्भीर घाइते भएका सरदारलाई उपचारका लागि विराटनगरको कोसी अस्पताल पुर्याउनसाथ चिकित्सकले मृत घोषित गरेको थिए ।
मृतकको साथमा सवारी चालक अनुमति पत्र लाइसेन्स लगायतका कागजात फेला नपरेको थियोे । सडकमा रहेको खाल्डाखुल्डीका कारण दुर्घटना भएको प्रहरीको प्रारम्भिक अनुसन्धानबाट खुलेको छ तथापि घटनाको विषयमा थप अनुसन्धान भइरहेको छ ।
