भोजपुर | आमाको अनन्त ममता र त्यागको मूल्य केवल उनको जीवनकालमा मात्र नभएर मृत्युपछि पनि उच्च सम्मान पाउनुपर्छ। तर भोजपुरको यो कारुणिक घटनाले हामीलाई आमाको पवित्र प्रेमको अपमान गरिएको दुःखद् स्मरण गराउँछ। एउटा छोराको निर्दयी कदमले आफ्नै जन्मदात्री आमाको ज्यान लिएको छ, जसले हामीलाई गहिरो शोकमा डुबाएको छ।
जीवनको अमूल्य रत्न नै खोसिएको यो विभत्स घटनाले सबै मानव अन्तरात्मालाई झस्काएको छ। कसरी आफ्नै गर्भबाट जन्मिएको , आफैले हुर्काएको र पालनपोषण गरेको एक छोराले आमालाई धारिलो हतियारले प्रहार गरी हत्या गर्न सक्छ? निरपराध वृद्ध आमाको रगतमा लथालिंग होइन, नितान्त निर्दयतामा डुबेको छ यो घटना।
आफ्नै आमाको हत्या गरेको आरोपमा भोजपुरको अरुण गाउँपालिकाका एक पुरुषलाई प्रहरीले पक्राउ गरेको छ । धारिलो हतियारले टाउकामा प्रहार गरी आमाको हत्या गरेको आरोपमा उनी पक्राउ परेका हुन् ।
प्रहरीका अनुसार अरुण गाउँपालिका–४ ल्याङडाँडा, चरम्बीका ३४ वर्षीय मिलन तामाङलाई पक्राउ गरिएको हो । उनले आइतबार राति आमा ६८ वर्षीया निरकुमारी तामाङलाई धारिलो हतियार सिक्कलले टाउकोमा प्रहार गरी हत्या गरेको प्रहरीले जनाएको छ ।
घटनाको जानकारी पाएलगत्तै चरम्बीस्थित अस्थायी प्रहरी पोष्ट र इलाका प्रहरी कार्यालय तिवारीभञ्ज्याङबाट खटिएको टोलीले तामाङलाई पक्राउ गरेको हो । घटनाबारे थप अनुसन्धान भइरहेको प्रहरीले जनाएको छ ।
