कोशी | क्यानाडाको लण्डनमा सडक दुर्घटनामा परेर नेपाली विद्यार्थी सचिना श्रेष्ठको मृत्यु भएको छ। फ्यान्स कलेज, लण्डनमा अध्ययनरत २२ वर्षीया श्रेष्ठलाई ८ डिसेम्बरको साँझ करिब ८ बजे ट्रकले ठक्कर दिएको थियो। कुहिरो लागेका बेला सडक पार गर्ने क्रममा उनी दुर्घटनामा परेकी थिइन्।
दुर्घटनामा गम्भीर घाइते भएकी श्रेष्ठको टाउकोमा चोट लागेको र मस्तिष्क सुन्निएको चिकित्सकहरूले बताएका थिए। स्थानीय भिक्टोरिया हस्पिटलमा भेन्टिलेटरमा राखेर उपचार गरिए पनि सुधार नआएपछि डिसेम्बर २६ मा भेन्टिलेटर हटाइएपछि उनको मृत्यु भएको हो।
- Advertisement -
मृतक श्रेष्ठको पुर्ख्यौली घर भोजपुर बजार भए पनि हाल उनका परिवार काठमाडौंमा बस्दै आएका छन्। परिवारले उनकी आमा र बुवालाई लण्डन बोलाएपछि मात्रै भेन्टिलेटर हटाउने निर्णय गरिएको थियो। दाहसंस्कारका लागि आर्थिक अभाव रहेको पारिवारिक स्रोतले जनाएको छ।
