काठमाडौं–प्रधानमन्त्री शेरबहादुर देउवाले एमसीसी अब अभिन्न अंग भइसकेको बताएका छन्।
संसदमा उठेका प्रश्नको जवाफमा उनले अब यसमा थप प्रश्न नरहेको बताए। त्यस्तै उनले चीनको सहयोगले दिने बीआरआई ऋण हो देशले धान्न सक्छ कि सक्दैन भन्नेमा राष्ट्रिय सहमतिको खोजी हुने बताए।
‘एमसीसीका सम्वन्धमा अभिन्न अंग भइसकेको व्याख्यात्मक घोषणा भएको छ,’ उनले भने, ‘बीआरआई ऋण हो। राष्ट्रिय सहमति गर्ने हो । यो राष्ट्रले धान्न सक्छ कि सक्दैन सहमतिको खोजी हुन्छ।’
उनले बुढीगण्डकीका लागि नेपालसँग पैसा रहेकाले नेपालकै स्रोतले बनाउने भनिएको स्पष्ट पारे।
