काठमाडौँ । राष्ट्रपति विद्यादेवी भण्डारीसँग प्रधानमन्त्री शेरबहादुर देउवाले भेटवार्ता गरेका छन् ।
प्रधानमन्त्री देउवाले शनिबार साँझ शीतल निवासमा राष्ट्रपति भण्डारीलाई भेटेको राष्ट्रपतिका प्रेस सल्लाहकार टिका ढकालले बताए ।
- Advertisement -
भेटमा प्रधानमन्त्री देउवा र राष्ट्रपति भण्डारीबीच नागरिकता विधेयक, आगामी निर्वाचन तयारीलगायत विषयमा छलफल भएको बताइएको छ।
राष्ट्रपति भण्डारीले दुई साताअघि नै संसद्बाट पारित भएको नागरिकता विधेयक अझै प्रमाणीकरण गरेकी छैनन् ।
