काठमाडौं – इलाम क्षेत्र नम्बर-२ मा हुन लागेको उपनिर्वाचनमा सुहाङ नेम्वाङलाई जिताउन तीन विभिन्न राजनीतिक दलहरूले अपिल गरेका छन् ।
शनिबार साँझ जारी एक संयुक्त अपिलमा नेकपा (एमाले), नेकपा (माओवादी केन्द्र) र नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टीले सुहाङ नेम्वाङलाई जिताउन सबै पक्षलाई आग्रह गरेका छन् । यो अपिल सत्तारुढ गठबन्धनका शीर्ष नेताहरूको मिलेमतोबाट जारी भएको हो।
अपिलमा उल्लेख गरिएअनुसार प्रधानमन्त्री पुष्पकमल दाहाल प्रचण्ड, एमालेका अध्यक्ष केपी ओली र विप्लव समूहका महासचिव नेत्रविक्रम चन्दबिच उच्चस्तरीय सहमति भएको थियो । यसअघि नै माओवादी केन्द्रले पनि सुहाङलाई सघाउने निर्णय गरिसकेको छ ।
इलाम-२ बाट निर्वाचित सांसद सुवासचन्द्र नेम्वाङको निधनपछि उक्त क्षेत्रमा आउँदो वैशाख १५ गते उपनिर्वाचन हुँदैछ । यो उपनिर्वाचन निकै महत्वपूर्ण मानिएको छ र सबै दलहरूले एकताबद्ध प्रयास गरेका छन् । राजनीतिक टकरावलाई पन्छाएर एकता देखाउनु नै यस अपिलको मूल उद्देश्य हो ।
