भोजपुर / भोजपुरको षडानन्द नगरपालिकाले अन्तरपालिका स्तरीय पुरुष भलिबल प्रतियोगिताको उपाधि हात पारेको छ ।
१६ गतेबाट सञ्चालन गरेको द नर्थ वरुण युथ क्लवले आयेजनामा अन्तरपालिका स्तरीय पुरुष भलिबल प्रतियोगिताको उपाधी भोजपुरको षडानन्द नगरपालिकाले हात पारेको छ । संखुवासभाको मकालु गाउँपालिकामा सम्पन्न फाइनल खेलमामा संखुवासभाको सभापोखरी गाउँपालिकालाई ३-१ को सेटमा पराजित गर्दै उपाधि कव्जा गरेको हो ।
प्रतियोगिताको तेस्रो स्थानको लागि सम्पन्न खेलमा खाँदबारी नगरपालिकालाई सोझो सेटमा हराउँदै आयोजक मकालु गाउँपालिकाले तेस्रो स्थान हासिल गरेको छ भने खाँदबारीले सान्वनामा चित्त बुझाएको छ ।
प्रतियोगितामा प्रथम र द्धीतीय स्थान हासिल गर्ने टिम षडानन्द नगरपालिका र सभापोखरी गाउँपालिकाले क्रमशः एक लाख ६० हजार र ९४ हजार नगद पुरस्कार प्राप्त गरेका छन् ।
कार्यक्रममा मकालु गाउँपलिका क्षेत्रमा महत्वपूर्ण योगदान गर्नेहरुलाई समेत बिहिबार सम्मान गरिएको छ । बिहीबार साँझ राष्टिय ख्यातिप्राप्त कलाकार मिलन नेवारको साथमा स्थानीय कलाकारहरुको सांगितिक प्रस्तुति भएको छ ।
क्लवले आयेजना गरेको चार दिवसीय संस्कृति संरक्षण, पर्यटन प्रवद्र्धन तथा विषेश सम्मान कार्यक्रम एवम् अन्तर पालिका स्तरीय पुरुष भलिबल प्रतियोगिता समेत आयोजना गरिएको हो ।
