काठमाडौं : महानगरपालिकाको मेयरमा स्वतन्त्र उम्मेदवार बालेन्द्र शाह (बालेन) ले अग्रता कायमै राखेका छन् ।
पछिल्लो मतपरिणामअनुसार उनले अहिलेसम्म ६ हजार २०७ मत ल्याएका छन् । बालेन निकटतम प्रतिद्वन्द्वी नेकपा एमालेका केशव स्थापितभन्दा २९६४ मतले अगाडि छन् ।
स्थापितले अहिलेसम्म ३ हजार २४३ मत पाएका छन् । त्यस्तै, तेस्रो स्थानमा रहेकी नेपाली कांग्रेस उम्मेदवार सिर्जना सिंहले २ हजार ८८५ मत पाएकी छन् ।
