मकवानपुर: इलाका प्रहरी कार्यलय फापरबारीले १५० लिटर मदिरा (रक्सी र जाँड) नष्ट गरेको छ। इलाका प्रहरी कार्यलयबाट खटिएका प्रहरीले बकैया गाउँपालिका तिनतलेबाट सोमबार बिहान उक्त मदिरा बरामद गरेको थियो ।
बकैया गाउँपालिकाबाट हेटौंडा तर्फ आउदै गरेको उक्त १५० लिटर मदिरा ना ५ ख ११९५ , बा ३ ख १८०५ र बा ४ ख ८५३८ यात्रु वाहक बसबाट नियन्त्रणमा लिइएको इलाका प्रहरी कार्यलय फापरबारीले जनाएको छ ।
बरामद गरिएको मदिरालाई बाग्मती गाउँपालिका वडा न. ८ का अध्यक्ष इन्द्रमणि तिमल्सिनाको रोहबरमा प्रहरीले नष्ट गरेको हो ।
बकैया गाउँपालिकामा मदिरा सेवन र बिक्री वितरण गर्न निशेध छ।
