मकवानपुरबाट ४५ किलो लागुऔषध गाँजासहित दुईजना पक्राउ परेका छन् । प्रहरीले बिहीबार दिउँसो १ बजे मनहरी गाउँपालिका–९ बाट दुईजनालाई पक्राउ गरेको हो ।
पक्राउ पर्नेमा राक्सिराङ गाउँपालिका–२ बस्ने ४२ वर्षीय भक्तबहादुर थापा मगर र ४१ वर्षीय हिरालाल गुरुङ छन् । उनीहरूकाे साथबाट १५-१५ किलाेका तीन बाेरा गाँजा बरामद भएकाे छ ।
इलाका प्रहरी कार्यालय मनहरीबाट खटिएको टोलीले विशेष सूचनाका आधारमा पूर्व–पश्चिम लोकमार्गबाट उनीहरुलाई पक्राउ गरेको हो। उनीहरूमाथि प्रहरीले थप अनुसन्धान अघि बढाएको छ।
