काठमाडाैँ । नेपाल प्रिमियर लिग (एनपीएल) अन्तर्गत आज (मंगलबार) दुई वटा खेल हुँदैछन्। कीर्तिपुरस्थित त्रिवि क्रिकेट रंगशालामा हुने आजको पहिलो खेलमा विराटनगर किंग्स र चितवन राइनोजबीच प्रतिस्पर्धा हुनेछ। यो खेल दिउँसो साढे १२ बजे सुरु हुनेछ।
त्यस्तै, आजको दोस्रो खेलमा बेलुका ५ बजे कर्णाली याक्स र जनकपुर बोल्ट्स आमनेसामने हुनेछन्।
यसअघि हिजो भएको उद्घाटन खेलमा साविक विजेता लुम्बिनी लायन्सले लगातार दुई पटकको उपविजेता सुदूरपश्चिम रोएल्सलाई ७ विकेटले हराउँदै विजयी सुरुआत गरेको थियो। खेलमा सुदूरपश्चिमले दिएको ८८ रनको सामान्य लक्ष्य लुम्बिनीले ९ ओभर ५ बलमा ३ विकेट गुमाउँदै पूरा गरेको थियो। त्यसअघि टस हारेर ब्याटिङ गरेको सुदूरपश्चिम १७ ओभर २ बलमा ८७ रनमै अलआउट भएको थियो।
प्रतियोगिता आगामी मंसिर ५ गतेसम्म सञ्चालन हुनेछ।
