मकवानपुर: पेटको आन्द्राभित्र फुटेको ट्युमरको जटिल शल्यक्रिया हेटौंडामा सफल भएको छ ।
अस्पताल स्रोतका अनुसार मकवानपुरको बागमती गाउँपालिका वडा नम्बर ७ निवासी ४९ वर्षका जय बहादुर मगरको पेटको सानो आन्द्राचित्र भएको ट्युमर फुटेपछि डा. निश्चलभद्र खनालको टोलीले सफल शल्यक्रिया भएको छ ।
विरामी भई भिडियो एक्सरे गर्दा आन्द्रा फुलेको जस्तो देखिएपछि बुधबार डा. खनालको टोलीले शल्यक्रियाको लागि तयारी गरी सफल रुपमा शल्यक्रिया गरिएको हो । सुरुमा फुलेको जस्तो देखियो तर ट्युमर फुटेको पत्ता लागेपछि तत्काल शल्यक्रिया गरिएको डा. खनालले जानकारी दिए ।
हेटौँडामा यसअघि पनि ट्युमरको शल्यक्रिया भएता पनि फुटेपछिको शल्यक्रिया भने पहिलो भएको डा. खानालले बताए । ट्युमर फुटेको समयमा शल्यक्रिया गर्न नसके विरामीको मृत्य समेत हुन सक्ने उनले बताए ।
शल्यक्रिया पछि विरामी मगर सामान्य अवस्थामा रहेको अस्पतालले जनाएको छ ।
