सुनसरी / नेपाल प्रेस युनियनको ३१ औं स्थापना दिवसका अवसरमा प्रेस युनियन सुनसरीले इटहरीमा प्रभातफेरी कार्यक्रममा आयोजना गरेको छ ।
आज शुक्रबार इटहरी उपमहानगरपालिकाबाट शुरु भएको प्रभातफेरी इटहरी चौक परिक्रमा गरि इटहरी उपमहानगर अगाडि कोण सभामा परिणत भएको थियो ।
कोणसभामा प्रेस युनियन सुनसरीका पूर्व अध्यक्ष एवम् प्रदेश सचिव धनबहादुर पुरीले निर्माण हुन लागेको प्रेस युनियन सुनसरीको भवन निर्माणको लागि ५१ हजार रकम सहयोग गर्ने प्रतिबद्धता जनाए ।
कार्यक्रममा प्रेस युनियन सुनसरीका अध्यक्ष पवन अधिकारी, नेपाल पत्रकार महासङ्घका केन्द्रिय सदस्यद्वय अमर खड्का, इकवाल अहमद, प्रेस युनियन प्रदेश १ सचिव धनबहादुर पुरी, पत्रकार महासंघ सुनसरी उपाध्यक्ष गणेश निरौलाले प्रेस युनियनको ३१ औं स्थापना दिवसका अवसरमा शुभकामना व्यक्त गरेका थिए ।
यस्तै, पत्रकार महासङ्घका केन्द्रिय सदस्य इकवाल अहमदले २५ हजार नगद सहयोग गर्ने समेत प्रतिबद्धता जनाए । प्रेस युनियन सुनसरीले इटहरी १७ मा आफ्नै भवन निर्माण गर्न लागेको छ ।
