सुनसरी / उदयपुरको गाईघाटबाट इटहरी आँउदै गरेको गुडिरहेको म्याजिक भ्यानमा बेल्टारमा आगलागी भएको छ ।
उदयपुरको सदरमुकाम गाईघाटबाट मदन भण्डारी लोकमार्ग हुँदै सुनसरीको इटहरीतर्फ जाँदै गरेको प्र ०२–००२ च ५०२१ नम्बरको म्याजिक भ्यानमा आगलागी भएको हो । आगलागीबाट १३ लाख ५० हजारको क्षति भएको गाईघाट प्रहरी कार्यलयले जनाएको छ ।
चौदण्डिगढी नगरपालिका- ६ बेल्टारमा म्याजिक भ्यान गुडिरहेको अवस्थामा अचानक आगलागी हुँदा गाडीसहित गाडीभित्र रहेको ५० काटुन थुक्पा जलेर नष्ट भएको प्रहरीले जनाएको छ । आगलागीबाट म्याजिक भ्यान नियन्त्रणमा आएको छ । सवारी धनी मोतिराम थापाले गुडिरहेको गाडीमा कसरी आगलागी भयो भन्नेबारे जानकारी नभएको बताए ।
