सुनसरी / मोरङको बुढीगंगामा माछा मार्ने क्रममा तेह्रथुमका छथर शुक्रबारेका २५ वर्षका युवाको करेन्ट लागेर मृत्यु भएको छ ।
बूढीगंगा गाउँपालिका- १ मिलचौकस्थित कोशी प्याकेजिङ कार्टुन फ्याक्ट्रिमा काम गर्ने मजदुरको करेन्ट लागेर तेह्रथुमको छथर शुक्रबारे ५ घर भएका २५ वर्षीय आकाश लिम्बूको मृत्यु भएको छ ।
फ्याक्ट्रि नजिकै जमेको पानीको खाल्डोमा करेन्ट लगाई माछा मार्ने क्रममा करेन्ट लागेर गम्भीर घाइते भएका लिम्बूको विराट मेडिकल कलेजमा उपचारको क्रममा मृत्यु भएको मोरङ प्रहरीले जनाएको छ ।
घटना सम्बन्धमा इलाका प्रहरी कार्यालय नेमुवाले थप अनुसन्धान गरिरहेको छ ।
