सुनसरी / ताप्लेजङको फुङलिङमावीरेन्द्र आइएमईबाट नगद तथा गरगहना लुट्ने समूहका एकजनालाई प्रहरीले पक्राउ गरेको छ ।
ताप्लेजुङ जिल्ला प्रहरी कार्यालयका प्रमुख, डीएसपी कैलाश राईका अनुसार नगद ६ लाख र झोलामा रहेको गरगहनासहित पक्राउ गरिएको हो।
बिहान ११ बजेतिर भानुजन माध्यमिक विद्यालय छेउमा निर्माणाधीन बसपार्कबाट ओरालो लागेका उनलाई त्यहीबाट पक्राउ गरेको हो । फुङलिङ नगरपालिका निवासी भए पनि उनको विवरण प्रहरीले खुलाएको छैन ।
घटना भएको करिब ४ घण्टा पछि नै संलग्न मध्ये एकजनालाई पक्राउ गरिएको हो । लुटपाटमा चार जनाको संलग्नता रहेकाले सीसीटीभी फुटेजमा देखिएको छ । बाँकी तीन जनाले पैसा र गरगहना बोकेर भागेकाले उनीहरुको खोजी जारी भइरहेको छ ।
