सुनसरी / उदयपुरमा गुडिरहेको मोटरसाइकल भीरबाट खस्दा एक युवकको मृत्यु भएको छ भने एक जना गम्भीर घाइते भएका छन् ।
उदयपुरको कटारी नगरपालिका – ११ हर्देनीस्थित सिद्धिचरण सडक खण्डमा कटारीबाट हर्देनीतर्फ जाँदै गरेको लु ८८ प १८५६ नम्बरको मोटरसाइकल आफैँ अनियन्त्रित भइ भीरबाट करीब पाँच सय मिटर तल खस्दा सोही ठाउँका २४ वर्षीय यम्बरबहादुर श्रेष्ठको मृत्यु भएको प्रहरी कार्यलय कटारीले जनाएको छ ।
उनको शव मृत अवस्थामा भीरमा अडिक्एको अवस्थामा फेला परेको थियोे । सोही मोटरसाइकल पछाडि सवार सोही ठाउँकी २१ वर्षीया इन्दिरा कार्की गम्भीर घाइते भएकी छन् । उनको कटारी अस्पतालतर्फ उपचारका लागि पठाइएको प्रहरीले जनाएको छ । घटनाबारे थप अनुसन्धान भइरहेको प्रहरीले जनाएको छ ।
