सुनसरी / धरान उपमहानगरपालिका -१३ की एकल महिला उषा राईको कुटपिट र हत्या प्रकरणमा संलग्न आरोपितमध्ये तीन महिलालाई पुर्पक्षका लागि कारागार चलान गरिएको छ ।
सुनसरी जिल्ला अदालतले घटनामा संलग्न एक महिलालाई धरौटीमा रिहा गर्न र तीन महिलालाई कारागार चलान गर्न आदेश दिएको हो । मङ्सिर १३ गते भएको घटनमा संलग्न कुटपिट गर्ने मुख्य आरोपी उर्मिला राई, सुसेली राई र सुमित्रा राईलाई थुनामा पठाउने आदेश दिएको हो ।
आरोपित अर्की महिला रत्ना सुब्बालाई १ लाख धरौटी लिएर छोड्न आदेश गरेको इलाका प्रहरी कार्यालय धरानले जनाएको छ । तीनै जनालाई झुम्का कारागारमा पुर्पक्षका लागि पठाइएको छ ।
