सुनसरी / चिसो बढेसँगै इटहरीका सम्पुर्ण विद्यालय दुई दिन बन्द गरिने भएको छ ।
इटहरी उपमहानगरका मेयर हेमकर्ण पौडेलले हिजो मंगलबार प्रेस विज्ञप्ति जारी गर्दै पुस बिहीबार २८ गते र शुक्रबार २९ गते दुई दिन नगर क्षेत्रका सम्पूर्ण सामुदायिक एवं संस्थागत विद्यालयमा शैक्षिक गतिविधिहरू बन्द गर्न अनुरोध गरिएको छ ।
विगत केही दिनदेखि बढ्दै गएको चिसो तथा शीतलहरका कारण जनजीवन कष्टकर बन्दै गएको तथा विद्यार्थीमा पठनपाठन असहज बन्दै गएको भन्दै विद्यालय बन्द गर्न उपमहानगरले विज्ञप्ति जारी गरेको हो ।
